Muqdisho ( DHM-News ):- Muqdisho, 17 May 2012, Shir ay maanta yeesheen Golaha Wasiiradda oo uu shir-guddoominayey Ra’iisul Wasaaraha Soomaaliya Dr. Cabdiweli Maxamed Cali, ayaa looga hadlay arrimaha dhameystirka xilliga Kala Guurka ah.

Ugu horeyntii Ra’iisul Wasaaraha ayaa ka warbixiyey muhiimadda dhameystirka Xaaladda Kala Guurka ah oo uu sheegay inay lagama maarmaan tahay in bisha August uu dalku yeesho Dowlad Rasmi ah oo taam ah.

Golahu waxey warbixin ka dhageysteen guddiyadii Qabanqaabada barnaamijka Madax Dhaqameedka oo kala ahaa guddiga Logistikada, Hab-Maamuuska, Amniga iyo Wacyigelinta.

Guddiyadan ayaa sheegay in Madax Dhaqameedkii loo soo dhoweeyey si heer sare ah isla markaana uu shirkii 5ta bisha May u bilowday si heer sare ah. Maalmihii la soo dhaafay Madax Dhaqameedka waxaa u socday barnaamijyo loogu sharaxayey nidaamka iyo habkii ay u soo xuli lahaayeen Ergada Ansixinta Dastuurka. Waxeyna fursad u heleen ay ku akhristaan dhammaan heshiisyadii Garowe I, Garowe II iyo kii Gaalkacyo oo dhammaantood qeexayey sida loo wajahayo dhameystirka qorshaha Geediga Nabadda.

Madax Dhaqameedyadu waxey kaloo fursad u heleen iskuna barteen isna dhaafsadaan fikirado iyo waayo aragnimo oo ay bar-bar socoto dib-u-heshiisiin iyo sidii ay u wajahi lahaayeen mas’uuliyadda culus ee looga baxayo nidaamka KMG ah.

Sidoo kale, waxey ka dhageysteen Guddiga Madaxa Bannaan iyo Guddiga Khubarada Soomaaliyeed ee Dastuurka taariikhdii uu soo maray Dastuurka oo soo bilowday 2004 ka dib markii Dowladdii Federaalka KMG ah lagu yagleelay magaalada Nairobi, ujeedaduna aheyd in labo sano iyo bar gudahood lagu soo dhameystiro Dastuurka si looga baxo KMG ka. Si Kastaba Dastuurkii la soo waday muddada 8da sano ayaa 20kii April la soo dhameystiray.

Waxaa lagu wadaa in Qabyo Qoraalka loo soo bandhigo shacabka maalmaha soo socda, si shacabku uga doodaan, uguna biiriyaan fikirkooda.

-DHAMAAD -

Adis Ababa ( DHM-News ):- Magaalada Adis Ababa ee xarunta Ethiopia waxaa lagu wadaa in uu ka dhaco kulan ay yeeshaan saxiixayaasha Raod-Mapka kaasi oo looga hadli doono qodobada xasaasiga ah ee hadda taagan.

Kulanka waxaa soo Agaasintay Qaramada Midoobay, waxaana ka qayb gali doona lixda saxiixe ee Raod-Mapka, sidoo kale kulanka waxaa goob joog ka ahaan doona, wakiillo ka kala socda Midowga Yurub, Midowga Africa, IGAD, Qaramada Midoobay, Maraykanka iyo waddamada kale ee beesha caalamka.

Madaxweynaha Dawladda KMG ah Shariif Sheekh Axmed oo iminka kusugan magaalada New York ayaa kulanka ka qayb gali doona, waxaana lagu wadaa in uu saacadaha soo aadan tago magaalada Adis Ababa.

Madaxweynaha Puntland C/raxmaan Faroole oo isagana safar ku joogay dalka Hindiya ayaa tegay magaalada Adis Ababa ee kulanka ka dhici doono.

Raysal wasaaraha Xukuumadda KMG ah oo iminka Muqdisho kusugan iyo Guddoomiyaha Baarlamaanka oo maanta safar ku tegay Baydhabo ayaa iyagana la filaayaa in ay saacadaha soo aadan gaaraan magaalada Adis Ababa.

Xubnaha kale ee saxiixayaasha Raod-Mapka sida Galmudug iyo Ahlusunna ayaa sidoo kale tegi doona Adis Ababa.

Kulanka ay saxiixayaasha Raod-Mapka ku yeelan doonaan magaalada Adis Ababa ayaa waxaa lagu tilmaamay in uu kamid yahay kulamadii ugu adkaa ay dhinacyadaasi yeeshaan, maadaama wakhtigii dhamaad ku dhow yahay ayna jiraan arrimo badan oo aan weli meel marin.

Kulanka waxaa la filaayaa in si adag looga doodo qodobada dastuurka ee ay dhinacyada qaar ku arkaan kuwa aanay dani ugu jirin.

Madaxweyne Shariif, Madaxweynaha Puntland Dr. C/raxmaan Faroole, Madxaweynaha Galmudug Maxamed Axmed Caalin iyo xubnaha ka socda Ahlusunna ayaa dhamaantood waxay dood ka qabaan qodobo dhowr ah oo Dastuurka ku jira.

Beesha caalamka oo muddooyinkan ku hawlanayd sidii ay uga mira dhalin lahayd xaaladda Soomaaliya ayaa ka walaacsan wakhtiga dhamaaday, khilaafyada iyo hawlaha badan ee weli qabyada ah.

Sikastaba kulanka ay Adis Ababa ku yeelanaayaan saxiixayaasha Raod-mapka waa mid kamid ah kulamadii ugu adkaa, waana kulan indhaha lagu wada hayo waxa kasoo baxa.

Muqdisho ( DHM-News ):- Muqdisho, Khamiis, May 17, 2012—————-Ra’iisul Wasaaraha Xukuumadda Soomaaliya ayaa maanta ka qeybgalay kulan labo maalmood ka  soconayay Xalane kaa oo ay soo qaban qaabiyeen Wasaaradaha Dastuurka iyo Warfaafinta loogana  hadlayay Qebyo-Qoraalka Dastuurka ee ku aadan Arrimaha Xuquuqul Insaanka.

Ugu horeyn Wasiir Ku-xigeenka Warfaafinta, Cabdulaahi Bille Nuur, ayaa Sheegay in Shirka labadii maalmood ee la soo dhaafay looga hadlayay arrimaha Dastuurka ee Xuquuqul Insaanka iyo Xuruyatul-qowlka Saxaafadda.

Sidoo kale Wasiirka Dastuurka C/raxmaan Xoosh Jibriil, ayaa isna sharaxaad ka siiyay Ra’iisul Wasaaraha Soomaaliya kulankii ay la qaateen dhinacyada Bulshadda rayidka ah iyo waliba doodii ay ka yeeshee arrimaha Xuruyatul-qowlka.

“Mudane Ra’iisul Wasaare Waxaan kulankaani u qabaney inaan ka doodno Xuruyatul qowlka iyo Saxaafadda, Waxaan Dastuurkeena cusub ku soo darnay Xuruyatul-qowlka, Waxayna muhiimadiisu aheyd dhowr arrimood oo ay ugu horeyso inaan kaga gudbeyno Kumeel Gaarnimada oo aan dowladd rasmi ah yeelan doono iyo In Saxaafadda loo soo bandhigo sharcigaasi”.

Wuxuu sidoo kale Wasiirku soo hadal qaaday in mudooyinkii la soo dhaafay xad gudub badan lagu sameeyay Saxaafadda Soomaaliya oo dhalinyaro badan lagu toogtay Magaalooyinka Muqdisho, Gaalkacyo, Boosaaso iyo meelo kale, Waxaana Wasiir Ku-xigeenkuba ka hadalney in dowladda ay wax ka qaban doonto islamarkaana aysan dhici doonin mar kale in nin xad gudub geystay uu magaalada iska dhexmaro.

Dhinka kale Ra’iisul Wasaare, Cabdiweli Maxamed Cali Gaas, ayaa sheegay in Sharaf weyn ay u tahay inuu maanta kala soo qeyb galo shirka aad kaga hadleyseen arrimaha Xuquuqul Insaanka, Waxaan aad ugu faraxsanahay in labo cisho ay bulshada Rayidka ah gaar ahaan Odoyaasha arrimahaani ku xeel dheer ay si qoto dheer ah uga doodeen si loo hubiyo in Qebyo-Qoraalka Dastuurka qodobadiisa la xiriira Xuquuqul Insaanka ay u noqon lahaayeen kuwa hormarinaya danaha Shacabka Soomaaliyeed iyo Xuquuqdooda lama taabtaanka ah.

Sidoo kale Ra’iisul Wasaaruhu wuxuu tilmaamay inuu aad uga xunyahay tacdiyadda loo geysanayo Suxufiyiinta oo ay tahay mid aan loo dulqaadan karin.

“Waxaan aad idin kugu bogaadiyanayaa daruufaha adag oo aad ku shaqeyneysaan iyo caqabadaha maalin walba idin ka soo wajahaya kuwa damiir laawayaasha, dowladuna ma ogolaan doonto in dhib loo geysto Suxufiyiinta Soomaaliyeed”.

Ugu dambeyntii Ra’iisul Wasaaraha ayaa sheegay in dowladdu ay ka go’an tahay hormarinta xuruyatul-qowlka sababtoo ah waxaa jirayn heshiis Is-afgarad ah oo ay dowladdu la saxiixatay hay’adda QM u qaabilsan Xuquuqul Insaanka si dowladdu looga taageero dhanka logistic-da iyo in si wada jir ah loogu shaqeeyo Xuquuqul Insaanka, waana mid ku cad Dastuurkeena.

 -DHAMAAD -

DHM Radio

]]> http://dhacdooyinka.com/?feed=rss2&p=7784 0 http://dhacdooyinka.com/?p=7765 http://dhacdooyinka.com/?p=7765#comments Thu, 17 May 2012 12:20:34 +0000 joofane http://dhacdooyinka.com/?p=7765
Continue Reading »]]>

Muqdisho ( DHM-News ):- May 16, 2012 Markacadeey: Media reports have indicated widespread irregularities on the selection of the traditional clan elders. I would like to briefly demonstrate and prove that indeed this is true.

One of the specific cases is the case of Suldaan Faqi S. Suldaan Faqi who was among the elders invited to the meeting (see the link http://horseedmedia.net/2012/05/06/liiska-magacyada-odayaasha-dhaqanka-ee-muqdisho-ku-shiraya/). Suldaan Faqi attended the opening ceremony on the first day of the meeting, but on the next day while in his room the chief of the Somali police (General Sharif Shekhuna Maye) has ordered him to leave at a gun point and replaced him with a bogus Suldaan who is the cousin of the General. The objective of his expulsion is merely based on the selection of the upcoming of the new MP’s for the Somali parliament in which there is a complete disagreement between Suldaan Faqi, and General Shekhuna. Suldaan Faqi believes that people with integrity and quality should be selected from a cross the Tunni clan, while the General (also from the same clan) disagrees and wants specific names to be the nominees.

During his retirement life (mid 1990’s-2011) in Sweden, General Shekhuna wrote a book with a pseudo name falsifying the history of the Sultanate of Tunni and that book with other bogus documents is now made available in every office of the TFG in Mogadishu by General Shekhuna.

The question now is what is the real story? Here are the facts tracing back to 1844 regarding the truth about the Tunni sultanate. From extracts of the Journal of Royal Geographical Society of London by Lieutenant W. Christopher, Commanding the H.C. Brig of War Tigris on the East Coast of Africa. The Lieutenant writes “in the evening of the 19th day I landed at the town (Brava) in an armed boat to call on the chief and deliver the letter of Imam Seid Seid of Zanzibar together with letters relative to the wreck of a bugalo having British property a board, which was very urgently wanted at Zanzibar”. “I was received in a warm friendly manner, to my surprise, and conducted to the best-looking house in the place by a Somali Chief named Hadji Awisa (who is the great grandfather of Suldaan Faqi) who carried in his hand a highly ornamented sword, which I was later informed, was sent to him by Seid Seid of Zanzibar” (Journal of Royal Geography Society of London, volume 14, 1844).

After the death of Suldaan Hadji Awisa, his son Suldaan Faqi bin Haji Awisa (see picture below) was sworn to the throne; he later died in 1949. On October 18, 1949 the representative of the Italian government who was at the time colonizing southern Somalia sent a letter of condolence to the family of the deceased Sultan (the letter written in Italian is included in this article).

After the death of Suldaan Faqi in October of 1949, his son Shegow Faqi bin Haji Awisa (no picture) became the Sultan of Tunni; he later passed away in 1986. From 1986 to 2007 his younger brother Suldan Omar Faqi bin Haji Awisa (see picture below) became the Suldaan of Tunni. Suldaan Omar Faqi Haji Awisa attended both the Arta and Nbegathi peace conference before his death in October, 2007 ((Attached is the letter of invitation from IGAD in 2003). On January 18, 2008, Suldaan Faqi was selected as the Suldaan of Tunni after unanimous decision from the family including his two surviving uncles and the majority of the clan (see his ceremony.

These historical documentations prove that Suldaan Faqi S. Faqi is the genuine Suldaan of Tunni- Shangamas.

After all these evidence, the TFG is still hesitant to make any decision on this issue; though some prominent TFG leaders have privately questioned the legitimacy of the bogus Suldaan.

By Omar S. Omar
Email: omars004@yahoo.com

DHM Radio

Gaalkacyo ( DHM-News ):- Suuqa qudaarta ee magaalada Gaalkacyo ayaa maanta gebi ahaanba xiran yahay, kadib markii uu ka dhacay iska hor imaad dhexmaray ganacsatada qudaarta keenta.

Iska hor imaadka ayaa sababay dhaawaca 9-qof oo u badan dumar, waxaana dadkaasi dhaawacyo kasoo gaareen dhagxaan, baangado iyo budad ay isku adeegsadeen.

Ciidamada amniga ee magaalada Gaalkacyo ayaa halkaasi gaaray waxayna kala dhex galeen dadkii isku dhacay.

Dhaq dhaqaaqa guud ee ganacsiga suuqa ayaa xiran, waxaana lagu soo daadiyey Ciidamo Boolis ah oo katirsan kuwa Puntland.

Iska hor imaadka dhexmaray haweenka qudaarta iibiya ayaa salka ku haya muran ku aadan keenista qudaarta iyo weliba qaabka loo iib geeyo.

Xaaladda ayaa iminka deggan waxaana socda dadaalo lagu dhex dhexaadinaayo dadka dadkii dagaalay saaka.

DHM Radio

Hobyo ( DHM-News ):- Wararka aan ka helayno degmada Hobyo ayaa soo sheegaaya in diyaarado joog hoose ku socdaa ay maanta dul heehaabaayaan degmadaas iyo deegaanada ka agdhow.

Wararka ayaa soo sheegaaya in diyaaradaha oo ah ilaa 5-xabo oo nooca yar yar ah ay saaka kasoo kaceen mid kamid ah maarakiibta dagaalka Neto ee kusugan xeebaha Soomaaliya.

Diyaaradaha dagaalka ayaa cabsi ku abuuray dadka deegaanka, waxaana jira dad isaga cararay magaalada iyo goobaha looga shakiyi karo in ay duqaymo u geysteen.

Todobaadkaan gudahiisa ayey ahayd markii diyaaraha dagaalka ee Gaashaan buurta Neto ay duqaymo ka geysteen deegaano xeebta ah oo dhanka waqooyikaga aadan degmada Xarardheere ee gobolka Mudug.

Midowga Yurub ayaa go’aan ku gaaray in ay Burcadbadeedda ku weeraraan saldhigyada ay ku leeyihiin berriga oo ah meelaha ay kasoo abaabulaan weerarada ay maraakiibta iyo doonyaha ku afduubtaan.

DHM Radio

Garbahaarey ( DHM-News ):- Magaalada Garbahaarey ee xarunta gobolka Gedo waxaa ka taagan xaalado biyo la’aaneed iyo gooobahii xaafimaadka oo bur bursan.

Dagaalkii habeen ka hor ka dhacay magaalada Garbahaarey ayaa dagaalyahanada Al shabaab ee weerarka kusoo qaaday waxay ku beegsadeen isla markaana ku bur buriyeen ceelkii keli ahaa ee biyaha.

Dagaalyahanada Al shabaab ayaa qoryaha cul culus ee garabka laga tuuro waxay la eegteen ceel biyoodka waxayna taasi keentay in uu jabo ceelku.

Laga soo bilaabo habeenkii Abacada maagalada waxaa ka jiray biyo la’aan xooggan, waxayna dadku biyaha u raadsadaan meelo aad uga fog magaalada.

Shabaab ayaa mar sii horaysay dagaal ay kusoo qaadeen Garbahaarey waxay ku beegsadeen Isbitaalka guud ee degmada, waxaana gebi ahaanba bur buray qaybtii daawada iyo adeegyada caafimaadka.

Iyadoo oo ay horay magaalada uga jireen baahiyo dhanka goobaha caafimaadka ah, waxaa iminka kusii darsantahay xaaladdana uga soo dartay xaaladda biyo la’aanta ah ee ay shabaabku sababeen.

Waxgaradka magaalada iyo saraakiisha Dawladda ee kusugan ayaa ka codsaday Dawladda KMG ah, Beesha Caalamka, Hay’adaha gargaarka iyo Umadda Soomaaliyeed ugu baaqeen in ay gacan ka geystaan sidii biyo loogu raadin lahaa dadka Garbahaarey ku dhaqan.

DHM Radio

Baydhabo ( DHM-News ):- Magaalada Baydhabo soo gashay gacanta Dawladda KMG ah bishii February ee aan kasoo gudubnay waxaa dhowaan la geeyey Ciidamo katirsan AMISOM kuwaasi oo iminka fariisimo ka samaystay.

Baydhabo waxaa kusugan 120-askari oo katirsan Ciiidamada AMISOM gaar ahaana kuwa Burund iyo Uganda ee u badan Ciidamada Midowga Africa.

Ciidamada la geeyey Baydhabo waxay fariisimo ka samaysteen deegaano kamid hareeraha maagalada sida garoonka diyaaradaha iyo deegaano kale.

Qorshaha Midowga Africa ah ayaa in Baydhabo la geeyo 2,500-askari oo katirsan AMISOM, hase yeeshee iminka waxaa la geeyey 120-askari oo keli ah.

Saraakiil katirsan Qaramada Midoobay iyo Midowga Africa ayaa soo kormeeray Ciidamada AMISOM ee Baydhabo kusugan, waxayna sheegeen in dhowaan la dhamaystiri doono qaybta harsan.

Midowga Africa ayaa go’aan ku gaaray in hawlgalka AMISOM oo markii hore ku koobnaa magaalada Muqdisho la gaarsiiyo gobolada dalka ay ee Ciidamada Dawladda iyo kuwa taageeraayaa kala wareegeen Al shabaab.

DHM Radio

New Delhi ( DHM-News ):- Kaddib markii labo maalin ka hor ay odayaal-dhaqameed ka socday deeganada Puntland ay ka noqdeyn shirka Muqdisho, ayaa waxa ka hadlay arrintaas madaxweynaha maamulka Puntland C/raxmaan Faroole.

Madaxweyne Faroole oo hadda ku sugan dalka Hindiya ayaa ugu horeyn ka hadlay in Puntland ay qaadacdo shirka Muqdisho uga socda odayaasha dhaqanka, kaa oo lagu soo xulayo xubnaha ansixinaya dastuurka Soomaaliya.

Madaxweynaha ayaa yiri “Arrimaha Soomaaliya waxa ka qaadanay door muhiim , waxa aan isku tax luujinay in ay wax hirgalaan oo wadankan nabad lagu soo dabaalo, iyadoo dastuurkana la hirgalinaayo, dhinaca Puntland, waxa ay qabatay labo shir oo ka dhacay Garoowe, iyo kii Muqdisho waxyaabo badan ayaana ka soo baxay, annaga Puntland wixii noo gaarka ahaa waan hirgalinay, laakin qolyahaya dowladda Fadaraalka KMG ah, ayaa wax badan isku qasay, waxa aan annaga aan dooneynay in dastuur loo sameeyo Soomaaliya oo nalgu daro annaga guddiyada ansixinaya, laakin TFG-da ayaa diidan arrintaass”

Madaxweyne Faroole ayaa dhaliilay wasiirka dastuurka XKMG ah Cabdiraxmaan Xoosh Jibriil, Kaa oo uu sheegay in wax badan uu ku ciyaaray, waxa ay DKMG ah 31- April noo soo direyn warqad ay ku qoran tahay qaabka la doonayo in loo ansixiyo dastuurka Soomaaliya, laakin markii warqada aan aragnay, wax ku yaala haba yaraatee ma lahan, wax shaqo ah oo ay qabtay dowladda ma jirto, annaga markii waxaas oo dhan aan aragnay, ayaan ka biya diidnay howlaha hadda sida ay wax u socdaan” ayuu yiri Faroole.

Madaxweyne Faroole oo la hadlaayay BBC-da ayaa la weydiiyay maxa xigga marka haddii aad kala soo baxdeyn egadiina shirka Muqdisho, iyo in ilaa hadda wax qancis ah loo muujiyay?

Wuxuu yiri ” Annaga marka aan ka biyo diidnay waxa sida ay u socdaan, waxa aan durba warqad udirnay beesha caalamka iyo saxiixayaashii Roud-Mapka waxana u sheegnay in la iskugu yimaado magaalada Addis Ababa ee dalka Ethiopia, halkaas oo aan u aragnay meel kuwanaagsan in looga hadlo arrimahan”

Wuu sii hadlay ” Odayaal in Xamar lagu shiriyo, oo wax aysan ka warheyn looga sheekeeyo, waxa aan noo cuntameynin, waayo shirkii Garoowe 1 iyo Garowe 2 iyo kii Roud-Mapka lagu ansixiyay, waxa inoo muuqda hadda in la doonayo in dadka la jiirsiiyo wax aysan qaadan karin, oo meesha wax aan Transpalance wax la yiraahdo aysan ka jirin,annagu waxa aan dooneynaa shirka in uu noqdo kii lagu ansixiyay dastuurka Puntland ee ka dhacay Garoowe, marka hadda waxa socda dadka oo dhan ayaa ka biyo diidsan, annaga kuma qanacsanin, TFG-da hadda waxa ay ku mashquulsan tahay doorashada, cid kale oo ku mashquul san dalkan in uu yeesho dastuur rasmi ah oo loo dhan yahay ma aragno” ayuu yiri madaxweyne Faroole.

Madaxweyne Faroole ayaa la weydiiyay, haddii uu la socdo heshiiskii Kampala Accord ee sanadkii hore madaxda DKMG ah ay ku gaareyn Kampla.

” Heshiiskii Kampala waxa uu u dhexeeyay DKMG ah, annaga waxba nagama galin, laakin annaga waxa aan meel dhexe ka soo galnay kii lagu saxiixay Roud-Map-ka isagiina wax nalaga socod siiyay malahan, xittaa saxiixayaashii Roud-Map-ka lalama socodsiin waxa sida ay u socdaan, annaga waxa aan fileynay in ay soo baxaan wax qurux badan xittaa haddii aan nala socodsiin, laakin hadda waxaas meesha kama jiraaan” ayuu yiri Madaxweyne Faroole

Waxa wali muqdisho ku haray qaar ka mid duubabka Puntland oo aan iyagu Muqdisho ka imanin, kuwaas oo wali jooga magaalada Muqdishom kana qeyb galaya shirka odayaasha dhaqanka, waxana dowladda KMG ah ay sheegtay in shirka aan loo hakin doonin ergada Puntland ee ka noqday, oo dhowr qof ku sheegay.

Hadaba waxa laga warsugaya shirka ka dhacaya dhawaan magaalada Addis Abab ee dalka Ethiopia, kaa oo ay ka qeyb galaan saxiixayaasha Roud-Mapka oo kala ah: DKMG ah, Puntland, Galmudug, Ahlu Sunna. UNPOS, IGAD, AU, iyo Midowga Yurub.

Source Raxanreeb.com

DHM Radio

Ceelbuur ( DHM-News ):- Qarax geystay khasaare soo gaaray saraakiil katirsan shabaab Galguduud ayaa ka dhacay waddada isku xirta degmooyinka Ceeldheer iyo Ceelgaras ee gobolkaasi.

Qaraxa oo aha amiinada dhulka lagu aaso ayaa waxa uu la qarxay gaari ay wateen saraakiil shabaab katirsan, waxaana kasoo gaaray khasaare isugu jira dhimasho iyo dhaawac.

Wararka waxay soo sheegaayaan in 4-ruux oo ay labo kamid yihiin saraakiil shabaab ah ay qaraxa ku geeriyoodeen.
Madaxa amniga degmada Ceelbuur ee Ahlusunna Cabdi Axmed Biyo Quute ayaa warbaahinta u xaqiijiyey jiritaanka qaraxaasi.

Cabdi Axmed Biyo Quute waxa uu sheegay saraakiisha qaraxaasi ku dhintay ay kamid yihiin madaxii amniga Al shabaab ee degmada Ceelgaras iyo Taliyahii Al shabaab ee degmada Xarardjheere ninkaasi oo horay Taliye dhanka amniga ah uga soo noqday degmada Ceelbuur.

Gaarigii miinadu la qaraxday oo ahaa nooca loo yaqaan Surf-ta ayaa sidoo kale halkaasi ku bur buray.
Al shabaab weli kama hadlin qaraxa ka dhacay Galguduud iyo khasaaraha kasoo gaaray saraakiisha katirsan.

DHM Radio